一個在警隊流傳已久靈異檔案

長江一號

一個在警隊流傳已久秘密靈異檔案 在某年的一個晚上,凌晨三時pc A 同 pc B 正蛇王在一間麵檔食消夜之際,通訊器傳來: "在某屋村5座14樓14xx室,有人報案話聽到叫救命聲. 請附近同事趕去了解"剛巧麵檔就在附近,pc A就回答 "我同pc B現在去現場了解", 因pc B還未食完,pc A就說[我先去現場,你食完再過來吧],pc B答[ok,電話聯絡], 過了不久,pc B電話響起,pc A在電話說[我乘電梯上去了,好平靜,屋內得兩母女,我現在入去了解],pc B[ok..我都快來到了,等我來到才回報電台吧],掛線後,pc B好快就來到5座樓下, 但比眼前一切嚇到目瞪口呆,原來5座已納入重建,所有住戶剛剛全部搬出了,樓下更被房屋署的圍板圍住,而圍板入口更用一條大鐵鍊鎖上,pc B見狀立即致電pc A,但電話響了良久都冇接聽,打了數次都如是, pc B覺得好可疑,但又不想驚動警察電台,因他並冇同pc A一齊上樓調查,惟有致電其上司莫警長,不久莫警長趕到,聽pc Bx說了經過後,立即致電屋村辦事處要求管理員把鐵鍊鎖開啟,同時警察電台遲遲還未收到pc A同pc B結案報告, 只聽到pc A在通訊器不斷重複說處理中,於是派一輛衝鋒車到場,車上5名警員向莫警長了解後,就說[我們應該要上去14xx室睇睇].管理員在開鎖時聽到警員說14樓14xx室,就面色大變,喃喃自語[唔係呀,咁邪],一行人進入樓下大堂時, 衝鋒車車長陳沙展就說[唔係呀,電梯停用,pc A又說自己是乘電梯上去],管理員就回答[住戶全部搬出後,已經截斷電力供應啦]. 他們惟有拿電筒直跑上14樓,到了14xx室,發現門口被一條鐵鍊反鎖著,陳沙展就說[pc A冇可能在入面呀]pc B就立即致電pc A手提電話,屋內居然傳出電話聲響,眾人大吃一驚,隨即下去衝鋒車處拿工具破門入內,入到去發現pc A昏倒地上,隨即將他救出送院,因有警員要送院,結果驚動了高級幫辦馬老大, 而pc A送院後好快清醒,於是馬老大向他查詢經過,pc A就說[我來到5座後乘電梯上樓,到了14xx室就拍門,屋內一名少女開門後,我就問是否有人叫救命]少女回答[冇呀,得我同媽咪在家]於是我就入內了解,見到一名大約60歲婆婆在屋內, 我就問婆婆[你有否聽見有人叫救命呀],跟住婆婆大叫並想向我衝過來,接著聽到個少女大聲說[媽...唔好呀], 跟住我就暈倒了,之後醒來就在醫院......馬老大於是向電台翻查報案人電話,隔了數分鐘, 電台一名女警口震震回覆[個電話號碼已經停用,之前用戶就係現場14xx室住戶],因太過靈異,老大惟有通知指揮官, 環頭指揮官了解案情後,就立即下令所有人不可再討論該案,同時不可向任何人透露, 而老大就暗中去查該單位兩母女究竟是什麼人,終於查到該單位係有兩母女居住, 但在數年前個少女因比做警察男友拋棄而自殺身亡,而媽因憶女成狂有了精神病, 數月前在家中跌倒失救死亡.....馬老大就覺得,少女母親可能因為少女被她當警員男朋友傷害,就想出要對警員不利,好彩今次有少女大聲阻止, pc A才能逃過呢?馬老大擔心遲些該單位可能會再有怪事發生,為免有同袍會受傷害,於是在早上連同莫沙展到14xx室單位現場門口拜祭,馬老大一路燒衣一路說[冤有頭..債有主,請求別傷害我的同事呀]....屋內突然傳出一把老婦聲音大叫一聲[好]. 老大同莫沙展聽了後,立即把衣紙棄下,頭也不回匆匆跑落樓下........最後老婦果然守信用,怪事再冇發生,數月後5座清拆,變回一塊平地...., 現在pc A同pc B仍然留在警隊中........其實警隊仲有唔小呢類無法解釋案件.

話之你

[em20] [em20]

BBQQ

girlfan